أمهات المؤمنين للنساء فقط



 
الرئيسيةاليوميةس .و .جالتسجيلدخول

شاطر | 
 

 *طبق متميز* بـــط على الطريقــة الصينيـــــة من مطبخ لبنـــــــان وبالصور المفصّلــة!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
راجيه عفو الله

¤° إدارة المنتدى °¤
avatar

عدد المساهمات : 4153


العمر : 46
العمل/الترفيه : راجية رضا الله

مُساهمةموضوع: *طبق متميز* بـــط على الطريقــة الصينيـــــة من مطبخ لبنـــــــان وبالصور المفصّلــة!   الخميس أكتوبر 29, 2009 8:10 am

السلام عليكم يا أغلى صبايا


اليوم البث مباشر من الصين


اول مرة بعمل بط


جوزي دايما بس نروح أي مطعم وخاصة الصيني بيطلب بط وانا لا بحبه ولا بحياتي ساويته . وابني كمان بيحبه فقررت ساويلهم ياها بالبيت..


طبعا ضليت فتّش وبحبش لجبت الوصفة من نص الصين نفسها ههههه


طلعت الشغلة الاهم من طبخ البطة هو طريقة تحضيرها والتخلّص من دهونها لأنها كما نعلم انها أدسم بكثير من الدجاج ..

لحمها داكن اللون ومش متل الدجاج لأنها نشيطة أكثر مما يجعل الاوكسيجين أكثر داخل جسمها ويكسبه اللون الغامق شوي..


البط على الطريقة الصينية









المقادير

بطة
م.ك. بهارات الصينية (الخمس بهارات) ""انا ما لقيتهم هلق بتشوفوا شو سويت""
2 م .ص ملح (انا بستعمل ملح البحر)
5 شرحات زنجبيل طازج
4 فصوص ثوم
كوب بصل اخضر مفروم خشن
قشر نصف برتقالة tangerin

الصوص:
ربع كوب خل الرز (بتلاقوه بالسوبرماركت بالقسم الصيني او مع الخل)
نص كوب عسل
نص كوب صويا (انا استعملت صويا حلوة مع صويا مالحة بس ممكن الصويا يلي عندك مو مشكلة)



الطريقة


ننظف البطة ونتخلص من الدهون الزائدة حول الرقبة وفي المؤخرة ونغسلها جيدا بالماء والخل ونقوم بتجفيفها بورق المطبخ ..

بما اني ما عندي البهارات الصينية ولا لقيتهم بالسوبرماركت ففركت البطة جيدا من الداخل والخارج بالملح البحري الخشن والفلفل الأسود المجروش الطازج والسكر




وحطيتها ليلة كاملة بالثلاجة..

بعدين لقيت بهارات صينية للشوي فجبتها ورشيت عليها شوي بس ممكن تستغني عنها وتكتفي بالملح والبهار الاسود..

نقطع الزنجبيل والبصل والثوم وقشر البرتقال ونحشي به البطة






نحتاج الى صينية يلي فيها متل قاعدة عشان الدهون يلي بتنزل من البطة نتخلص منها

وهاد شكل الصينية






وهاي البطوطة



بسكين أو بعود خشبي تبع الشوي (متل أعواد الاسنان بس أكبر) نحدث ثقوب بالبطة ولكن طفيفة يعني مش غميقة يا دوب تفوت بالدهن وتطلعيها

عمليها بكافة الجوانب ..

هاي الخطوة أهم شي للتخلص من الهون يلي تحت الجلد..

نضع بالصينية حوالي كوبين ماء (عشان نطبخ البطة أول شي على البخار) يعني الماء مش لازن يلمس البطة..

ونقوم بتغطيتها بالألومنيوم جيدا وارفعيها على نار الغاز يلي من فوق حوالي ثلاث ارباع الساعة (ممكن طبخها بدون هذه الخطوة ووضعها بس بالفرن بس هيك اللهم بيطلع أطرى! )




كل شوي شوفي مستوى الماء أحسن ما ينشف..


في هذه الاثناء نعمل صوص التغطية:
نخلط العسل والصويا والخل ونرفعهم على النار ونتركهم يغلوا حوالي 10 دقائق حتى تصبح الصوص كثيفة مع التحريك من وقت لآخر..

هاد منظرها بعد ما خلصت الثلاث ارباع الساعة




نتخلّص من الدهون والماء ونضع ماء جديدة وندهنها بالصوص يلي حضرناها (انا استعملت فرشاة الطبخ)
وبدون تغطية وجهة الصدر الى الأعلى ندخلها فرن متوسط الحرارة ساعتان

لكن كل شوي نفتح الفرن وندهنها بالصوص .. انا دهنتها شي 5 مرات.. واذا لاحظت ان الصدر بدا يصير لونه كتير أسود ممكن تغطيت المكان بالألومنيوم
الى حين تنتهي البطة وتصير جاهزة للالتهام ممممم

هاد منظرها بعد أول دهنة بالصوص المحضّر





في الدهنة الأخيرة رشيتها بالسمسم مممممم





وهاد منظرها بعد ما جهزت


ما شاء الله ولا قوة الا بالله







قدمتها مع الرز الصيني المقلي بالبيض egg fried rice

هذا طبق مخصوص لوعود.. موصية عليه من زمان




وهاي كمان صورة لعيونكم الحلوة





ان شاء الله يكون لموضوع عجبكم


لا تنسوني من احلى دعوات يا اغلى أخوات


بامان الله

منقول
الرجوع الى أعلى الصفحة اذهب الى الأسفل
المحبة في الله2

¤° عضوة نشطة °¤
avatar

عدد المساهمات : 146



مُساهمةموضوع: رد: *طبق متميز* بـــط على الطريقــة الصينيـــــة من مطبخ لبنـــــــان وبالصور المفصّلــة!   الخميس أكتوبر 29, 2009 8:17 am



الرجوع الى أعلى الصفحة اذهب الى الأسفل
راجيه عفو الله

¤° إدارة المنتدى °¤
avatar

عدد المساهمات : 4153


العمر : 46
العمل/الترفيه : راجية رضا الله

مُساهمةموضوع: رد: *طبق متميز* بـــط على الطريقــة الصينيـــــة من مطبخ لبنـــــــان وبالصور المفصّلــة!   الخميس أكتوبر 29, 2009 8:25 am




الرجوع الى أعلى الصفحة اذهب الى الأسفل
 
*طبق متميز* بـــط على الطريقــة الصينيـــــة من مطبخ لبنـــــــان وبالصور المفصّلــة!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أمهات المؤمنين للنساء فقط :: ركن حواء :: منتدى اكلات شهية-
انتقل الى: