أمهات المؤمنين للنساء فقط



 
الرئيسيةاليوميةس .و .جالتسجيلدخول

شاطر | 
 

 فستان طفله جميل مع الشرح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
راجيه عفو الله

¤° إدارة المنتدى °¤
avatar

عدد المساهمات : 4153


العمر : 46
العمل/الترفيه : راجية رضا الله

مُساهمةموضوع: فستان طفله جميل مع الشرح   الأحد مايو 16, 2010 3:37 pm

السلام عليكن ورحمة الله وبركاته

وجدت هذا الفستان اللطيف لطفلة ومع شرح خطواته وقولت لازم ولابد ولاممكن ابدا حبيباتى الغاليات تشوفه معاى
يلاه على الصوره والشرح




المقاس ده لعمر طفلة حوالى سنه او اقل


السفرة

نشتغل بابرة استانليس رقم صفر وخيط قطن من اللى بنعمل به المفارش (خيوط مصر البيضا )

اشتغلي 104سلسلة ( لآن الصدر منخفض وليس على مقاس الرقبة بالظبط ) واشبكيهم على شكل دائرة

السطر الاول

2 سلسلة ( كأول حشو )
19 حشو
3حشو فى غرزة سلسلة واحدة
30 حشو
3 حشو فى غرزة واحدة
20 حشو
3 حشو فى غرزة
30 حشو
3 حشو فى غرزة
ونشبك بمنزلقة فى السلسلة التى بدأنا بها السطر


كده حددنا الامام والخلف الجزء الذى به 30 غرزة والحمالات الجزء الذى به 20 غرزة

وممكن طبعا تغيرى المقاسات حسب ما انت عاوزة ليلائم طفلة اكبر ( ممكن يتعمل سفرة قمصان نوم مقاساتنا احنا بس اتبعى طريقة التقسيم )

لكن لاحظى الشغل حتى لا يبرم منك فى هذا السطر بالذات ( حصلت معايا وفكيته كذا مرة )


السطر الثانى

من هذا السطر بنشتغل على اللفة الخلفية لغرز الحشو من السطر السابق


اشتغلى فى كل غرزة غرزة حشو وعندما تصلى لغرزة المنتصف فى الركنة ( 3 حشو فى غرزة ) اشتغلى 3 حشو فى غرزة
كررى السطر التانى حتى تصلى لطول السفرة الذى تريديه

على فكرة فى الفستان لم انهى السطر بمنزلقة كنت باكمل على طول
حتلاقى الشغل يشبه المستطيل

لعمل الباط


نشتغل بداية من ركنة البداية الى ان نصل لركنة التى تليها نعمل 20 سلسلة ونشبكها فى غرزة المنتصف للركنة التالتة ونكمل السطر الى ان نصل للركنة الاخيرة نعمل 20 سلسلة ونشبكها فى غرزة بداية السطر
السطر التالى
كله حشو او عماويد كما تحبى سواء فى الحشو او السلسلة
كده تكون عندنا بداية الجيبة
للتوسيع اشتغلت سطر عبارة عن عمود فى غرزة و2 عمود فى التى تليها
ونبدأ سطر جديد لعمل الجيبة
اشتغلى بغرزة الصدفة ( اعمدة بينها سلسلة )

اشتغلى 5 سلسلة واتركى غرزتين واعملى حشو
وكررى الاتى :3 سلسلة ونترك غرزتين وفى التالتة حشو

السطر التالى


نبدأ بمنزلقة لنصل الى السلسلة ونشتغل 2 عمود سلسلة 2عمود (صدفة ) فى كل سلسلة فراغ ونشبك بمنزلقة فى اول عمود
2منزلقة لنصل الى السلسلة الفراغ بين عمودين ونعمل 3 سلسلة عمود سلسلة 2 عمود ونكرر لاخر السطر فى كل سلسلة فراغ بين عمودين 2عمود سلسلة 2 عمود

اعملى من بداية الجيبة 5 اسطر بهذه الطريقة

من السادس للعاشر

3 منزلقة للوصول للسلسلة التى بين العمودين 2عمود 2سلسلة 3 عمود ثم فى كل فراغ بين العواميد 3 عمود 2سلسلة 3 عمود وتكررى 3عمود 2سلسلة 3عمود فى كل سلسلة فراغ لاخر السطر
من السطر ال11الى 15 زودى عمودين فى الصدفة اى 4 عمود 2سلسلة 4 عمود
من ال16 الى 20 5عمود 3سلسلة 5 عمود
انا عملت 20 سطر فقط فى الجيبة إذا اردت الزيادة زودى الصدفة كل 5 اسطر

ودى طريقة التوسيع فى الجيبة


لعمل كورنيش الحمالة

ابدأى من غرزة الركنة التى تحت الباط واشتغلى 3 سلسلة ثم حشو الى ان تصلى الى غرزة الركنة لتحت الباط من الجهة الاخرى ثم اشتغلى فى كل سلسلة فراغ صدفى ( 2عمود سلسلة 2عمود ) سطرين او 3 كما تحبى
منقول


عدل سابقا من قبل راجيه عفو الله في الثلاثاء مايو 10, 2011 9:07 pm عدل 1 مرات
الرجوع الى أعلى الصفحة اذهب الى الأسفل
خديجه

¤° عضوة نشطة °¤
avatar

عدد المساهمات : 709


العمل/الترفيه : مشرفة عامة

مُساهمةموضوع: رد: فستان طفله جميل مع الشرح   الثلاثاء مايو 10, 2011 8:43 pm

ماشاء الله اختي

ملبوس الهنا يارب وفي انتظار اعمالك الحلوة دائما




الرجوع الى أعلى الصفحة اذهب الى الأسفل
 
فستان طفله جميل مع الشرح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أمهات المؤمنين للنساء فقط :: ركن حواء :: الاعمال اليدوية والخياطة والنسيج-
انتقل الى: